Изложба на акварели „(По)трагите на водата“ во Куманово

Изложба на акварели „(По)трагите на водата“ во Куманово

184
0
SHARE

Изложба на акварели „(По)трагите на водата“ вечер ќе биде отворена во изложбениот салон на Центарот за култура „Трајко Прокопиев“ во Куманово.Организатори се Националната галерија на Македонија и Дирекцијата за култура и уметност во рамки на проектот „Кич,да!?/сте или не/“ поддржан од Министерството за култура.

Проектот „(По)трагите на водата“ почна во мај 2015 година во Чифте амам во Скопје, а потоа го продолжи своето патување низ градовите Велес, Битола, Штип, Крива Паланка, Кавадарци и до 17 февруари ќе престојува во Куманово.

На изложбата ќе бидат презентирани над 30-тина ликовни дела, а дел од нив првпат се изложуваат пред јавноста. Куратор на изложбата е Елена Георгиевска, кустос во Националната галерија на Македонија.

Изложбата презентира избор на уметнички дела остварени во еден визуелен медиум – акварелот, со истакнат број уметници. Меѓу авторите на акварелите застапени во колекцијата на Галеријата се претставници од најстарата генерација современи академски сликари од Македонија – Михајло Шојлев, Димитар Аврамовски Пандилов, Киро Караџа, Лазар Личеноски, Вангел Коџоман, Љубомир Белогаски, Василие Поповиќ – Цицо. Застапени се и уметници од соседните држави, кои покрај сликарството работеле и акварели – Томислав Кризман, Јован Бјелиќ, Коста Хакман, Петар Лубарда, Предраг Милосављевиќ – Пеѓа, Никола Славин.

Акварелното сликарство, продолжува со создадени дела од авторите – Лена Стефанова, Ејуп Умер, Богољуб Ивковиќ, кои во својот творечки опус периодично или експериментално работеле акварел, или пак, негова имплементација во делото, цртеж во комбинирана техника со акварел, гваш, Симон Шемов, Владимир Георгиевски.

Изложбата ќе може да се посети до 17 февруари 2016 година.

NO COMMENTS

LEAVE A REPLY