Home INFO Инфуенсерките во Норвешка на мака, ќе мора да нагласат дека ставаат филтри

Инфуенсерките во Норвешка на мака, ќе мора да нагласат дека ставаат филтри

реклама:G Natural

Норвешкиот парламент изгласа закон кој налага на огласувачите и инфлуенсерите на интернет да ги означат фотографиите кои имаат филтри или се фотошопирани.

Овој закон е резултат на повеќегодишни залагања на младински групи и министерството за деца и семејни работи, кои повикуваа да се воведат построги мерки поради растечката загриженост околу прикажувањето на телото и менталното здравје.

„Нè загрижува култура која креира социјална несигурност што придонесува за намалување на самодовербата. Со новиот закон, на реклами и спонзорирани објави на социјалните мрежи на кои карактеристиките на телото се изменети со фотошоп или филтри, тоа ќе мора јасно да се означи. Оние што нема да го направат тоа, ќе бидат казнети“, велат од министерството.

Како примери, се наведува дека ова се однесува на зголемени усни, нагласени мускули или стеснета половина.

Истражувањето што го спроведе министерството за деца и семејни работи откри дека повеќе од половина од средношколките во Осло имаат некакви ментални проблеми, а анорексијата е третата најчеста причина за смрт кај млади девојки.

РЕКЛАМИ:Hotel Premier Bansko „ЛОТУЛС - МАКИТА ПРЕЗЕНТАЦИЈА“