| Getting your Trinity Audio player ready... |
Џенифер Анистон со децении важи за една од најнегуваните и најфит актерки во Холивуд. Нејзината фигура, младешкиот изглед и енергијата отсекогаш предизвикувале восхит, но зад сето тоа се криел голем притисок секогаш да изгледа беспрекорно.
Денес, на 57-годишна возраст, актерката вели дека го променила начинот на размислување и дека токму таа одлука ја донела најголемата промена во нејзиниот живот.
Со години Џенифер верувала дека напорните тренинзи се единствениот начин да ја одржи витката линија и добрата форма. Сепак, со текот на времето сфатила дека постојаното поместување на границите не носи секогаш подобри резултати.
Нејзината тренерка Дани Колман открила дека актерката низ годините имала неколку повреди предизвикани од претерано интензивно вежбање, што ја натерало да го преиспита својот однос кон физичката активност.
Токму тогаш си поставила важно прашање: што се случува кога ќе престанеме да тренираме поради туѓите очекувања и ќе почнеме да вежбаме за сопственото здравје и доброто чувство?
Новата филозофија што ѝ го промени животот
Одговорот го пронашла во програмата „Pvolve“, метод на вежбање што се темели на функционални движења, зајакнување на мускулите и тренинг со отпор, но без претерано оптоварување на зглобовите и телото.
Основачката на програмата, Рејчел Кацман, истакнала дека Џенифер признала оти со години чувствувала потреба постојано да го форсира телото за да одржи одреден изглед.
Денес, сепак, нејзината филозофија е сосема поинаква. Таа верува дека доследноста, умереноста и грижата за здравјето се многу поважни од исцрпувачките тренинзи и стремежот кон совршенство.
Природна и опуштена и надвор од црвениот тепих
Промената не се забележува само во нејзиниот пристап кон вежбањето, туку и во секојдневниот живот. На социјалните мрежи Џенифер Анистон сè почесто споделува опуштени фотографии на кои носи едноставни модни комбинации, далеку од гламурот на холивудските премиери.
