Надлежните служби се во интензивна потрага по 14-годишната Вања Ѓорчевска, која ја нема повеќе од 24 часа.
Таа вчера наутро во 7.20 часот како што објави нејзината мајка излегла за на училиште и од тогаш ја нема.
Последен пат е видена во Дебар Маало на пат кон училиштето „Јохан Хајнрих Песталоци“.
Потрагата продолжува и денеска.
Вања била облечена во црни панталони со странични џебови, светло син џемпер, црна кратка зимска јакна и бели „Најк“ патики со кафена лента на ѓонот.
Полицијата апелира да не се шират дезинформации. За решавање на случајот и пронаоѓање на лицето веднаш по добиената пријава вклучени се целосните капацитети на СВР Скопје на највисоко ниво.
Истото го апелираше и мајката на Вања, која на Фејсбук се заблагодари на Министерството за внатрешни работи за нивната посветеност во потрагата но и замоли да не се шират дезинформации кои воопшто не се од помош во истрагата.
---------------------------------------------------- 
