Министерството за внатрешни работи ја информира јавноста дека утре и задутре, вторник и среда, поради официјална посета на нашата држава на претседателот на Република Австрија, Александер Ван Дер Белен, полициски службеници од Секторот за внатрешни работи Скопје – Единицата за безбедност на патниот сообраќај, ќе преземат мерки за посебен режим на сообраќајот по сообраќајниците на поширокото централно подрачје на град Скопје, известуваат од МВР.
Министерството апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници во насока на безбедно и непречено одвивање на сообраќајот.
Исто така од МВР информираа дека утре (вторник) поради најавено одржување на мирен протест, со почеток во 12.00 часот на бул.„Илинден” полициски службеници од СВР Скопје ќе преземат мерки за посебен режим на сообраќајот.
---------------------------------------------------- 
