Принцезата од Дубаи, Шеика Махра, го шокираше светот со својата објава на Инстаграм, со која го остави својот сопруг Ман Ал Мактум.
Ќерката на владетелот на Дубаи, шеикот Мохамед Бин Рашид Ал Мактум, напиша:
„Мил мажу, бидејќи си преокупиран со други, вака го објавувам нашиот развод. Се разведувам од тебе. Чувај се. Твојата поранешна сопруга“.
По објавата, двојката престана да се следи на социјалните мрежи и ги отстрани сите заеднички фотографии.
Тие се венчаа во мај 2023 година, а во мај оваа година добија ќерка. Официјален коментар од кралското семејство или од Ман Ал Мактум сè уште нема.
Некои мислат дека профилот на шеиката бил хакиран, додека други ја слават нејзината храброст. Махра е позната по својата борба за правата на жените и студирала во Велика Британија. Сопругот на шеиката, Ман Ал Мактум, е поврзан со озлогласениот Ендру Тејт. Случајот предизвика голем интерес и сигурно е дека ќе следуваат нови детали.
---------------------------------------------------- 
