Министерот за внатрешни работи на Србија Ивица Дачиќ, изјави дека приведувањето на Северина Вучковиќ на граница се користи за напади врз Србија и дека таа нема забрана за влез, туку е повнимателно следена.
Дачиќ додаде дека лицата кои не се вмешани во криминал повеќе нема да бидат на списокот за следење.
Според него, поради одредени изјави за Србија, некои луѓе биле на тој список, но претседателот Александар Вучиќ изјавил дека тоа не треба да се прави. Неколку лица ќе бидат избришани од списокот, а јавноста е веќе информирана за ова.
Северина беше задржана на границата неколку часа, по што одлучи да се врати во Хрватска.