| Getting your Trinity Audio player ready... |
Apple планира да го претвори Siri во четбот кој ќе им конкурира на Claude од Anthropic, Gemini од Google и ChatGPT од OpenAI, пренесува Bloomberg. Apple првично немаl план да воведе четбот, но популарностa на јазичните модели ги натераla раководителите на компанијата да се предомислат.
Под кодното име Campos, четбот-верзијата на Siri ќе биде интегрирана во iOS 27, iPadOS 27 и macOS 27, заменувајќи ја сегашната верзија на Siri. Таа ќе ја има истата функционалност за разговор на природен јазик како четботите како ChatGPT и ќе биде достапна со користење на „Siri“ како повик-команда или со држење на страничното копче на iPhone или iPad.
Apple ја тестира Siri како самостојна апликација, но таа нема да биде понудена како посебна апликација. Наместо тоа, ќе биде директно вградена во Apple уредите. Apple планира да го напојува четботот со сопствен модел базиран на Google Gemini.
Четботот на Apple ќе може да пребарува на интернет, да генерира содржини како слики, да помага при програмирање, да сумира информации и да анализира прикачени фајлови. Ќе може да користи лични податоци од уредот на корисникот за да извршува задачи, што ќе резултира со значително подобрена функција за пребарување. Apple исто така развива функција која ќе ѝ овозможи на Siri да ги гледа отворените прозорци и содржината на екранот, како и да ги прилагодува функциите и поставките на уредот.
Siri ќе се интегрира во сите Apple апликации, вклучувајќи ги Photos, Mail, Messages, Music и TV, и ќе може да пристапува и да анализира содржини во тие апликации за да одговара на прашања и барања. Ќе постојат и гласовна и текстуална верзија на интерфејсот.
Apple размислува колку Siri ќе „памети“. Claude и ChatGPT можат да извлекуваат информации за корисниците од претходни разговори за целите на персонализација, но Apple можеби ќе ја ограничи меморијата на Siri поради приватноста.
Овој четбот на Siri ќе биде надградба на поперсонализираната верзија на Siri што Apple планира да ја воведе со iOS 26.4. Со iOS 26.4, Apple ќе ја направи Siri поспособна, имплементирајќи ги функциите на Apple Intelligence што првично беа најавени со iOS 18. Многу помоќната четбот-верзија на Siri ќе следува подоцна во годината, со iOS 27 и придружните ажурирања.
Apple моментно планира да го претстави Siri четботот на Worldwide Developers Conference во јуни, по што ќе започне тестирањето на iOS 27.
Siri четботот ќе биде клучната нова функција во iOS 27, iPadOS 27 и macOS 27, додека Apple во останатото ќе се фокусира на поправање на грешки и подобрување на перформансите.
