Home INFO Бали ангажира 4.400 инфлуенсери за заживување на туризмот

Бали ангажира 4.400 инфлуенсери за заживување на туризмот

реклама:Велигден со Стаф

Индонезискиот остров Бали ќе ангажира 4.400 инфлуенсери за да го оживее туризмот погоден од пандемијата на коронавирусот.

Инфлуенсерите ќе уживаат во бесплатно патување околу Бали од октомври до ноември и ќе ги објавуваат своите искуства на социјалните мрежи како дел од кампањата „Го сакаме Бали“, се вели во соопштението на туристичката организација на островот, како што објавија агенциите.

„Ковид-19 зададе сериозен удар на економијата на Бали, социјалниот и здравствениот сектор, вклучително и туризмот“, соопшти организацијата, додавајќи дека околу 75.000 туристички работници останале без работа.

Целта на кампањата е да се промовира „новата ера на туризам“ во која посетителите мора да ги почитуваат здравствените препораки за носење маски, социјално растојание и редовно миење на рацете, се вели во соопштението.

Бали беше отворен за туристи од другите делови на Индонезија на крајот на јули, а планот за отворање за странци на 11 септември не успеа како резултат на зголемувањето на бројот на случаи на инфекција со коронавирус.

РЕКЛАМИ: Твојата дигитална картичка! ----------------------------------------------------