Легендарниот фронтмен на „Рибља чорба“, Бора Ѓорѓевиќ, ќе биде погребан во неговиот роден град Чачак, како што потврди неговиот менаџер Бане Обрадовиќ. Во изјава за Курир, Обрадовиќ сподели дека е во постојан контакт со семејството на музичарот и работи на потребните документи за преносот на телото од Љубљана. Сè уште не е познато кога телото ќе биде префрлено во Србија и кога точно ќе се одржи погребот.
Обрадовиќ истакна дека сите административни процедури мора да се завршат пред погребот да биде организиран. Тој потврди дека Ѓорѓевиќ сакал да биде погребан во Чачак, што ќе биде почитувано. Бора Ѓорѓевиќ, познат по својата долга и успешна музичка кариера, неодамна беше хоспитализиран во Љубљана поради тешка пневмонија. Неговата состојба се влошила и бил ставен на вентилатор.
Музичарот претходно се борел со пневмонија и го откажал новогодишниот концерт во Ниш поради здравствените проблеми.
---------------------------------------------------- 
