Сигурно сите веќе имате свој начин на украсување на новогодишната елка, но не е на одмет уште еднаш да прилитате како најправилно да го сторите тоа.
Избор на елка
Доколку сакате мирис на новогодишна елка тогаш сигурно ќе се одлучите за природна. Најдобра варијанта е да се определите за елка со корен. Освен што е еколошки подобро решение, елката со корен нема да се исуши, вашиот дом нема да биде покриен со иглички, подолго ќе трае и мирисот и гранките нема да се виткаат надолу.
Но кога ќе ја раскитите природната елка со корен, ќе треба некаде да ја насадите.
При избор на елка која е исечена обрнете внимание кој вид на дрво го купувате. Борот побрзо се суши и неговите иглички многу брзо паѓаат. Определете се за елка или смрека. Основен недостиг е сушењето на елката, виткањето на гранките по неколку дена и паѓање на игличките. Поставете некој убав чаршав под неа кој и естетски ќе ја разубави и ќе ви ја олесни работата при собирање на игличките.
Вештачките елки можеби се наједноставно решение. Можат да се најдат во разни бои во зависност од вашите желби. Нема иглички на подот, но го нема ни тој прекрасен мирис.
Положбата и големината на елката
Одредете место на кое сакате да ја поставите елката. Во зависност од тоа се врши изборот на големина и ширина. Внимавајте да не биде преголема елка, или да не ја поставите на некое тесно место каде што се поминува, па некој да не ја закачи при поминување и да ја турне. Исто така, поставете ја што подалеку од извор на топлина за да го успорите процесот на сушење и да избегнете евентуален пожар.
Китење на елката
Прво поставете некој украсен слој под елката. Потоа поставете ја елката на тоа и проверете дали е стабилна. Најпрво се ставаат сијаличките и тоа поблиску до стеблото, во внатрешноста на елката од дното кон врвот (спирално). Вака елката цела ќе биде осветлена и ќе блеска. Многу е потешко да се постават сијаличките на крај кога морате да ги заобиколувате сите украси.
Потоа закачете големи и потешки украси. Бирајте ги подебелите гранки и не закачувајте на самиот врв на гранката бидејќи таа ќе се свитка од тежината, па нема да биде толку убава или кога елката ќе се исуши, можно е украсот да падне и да се скрши.
Потоа на ред доаѓаат помалите украси. Нив можете да ги закачите и на потенки гранки и на тие гранки кои веќе имаат лампиони ако не ги сокриваат. Обрнете внимание да ја накитите цела елка рамномерно (посебно тој дел кон ѕидот, ако е поставена покрај ѕид), погледнете ја од разни агли од 2-3 метри далечина дали некаде недостасува украс и дали некој дел е без лампиони.
Потоа на ред доаѓаат разни ленти, блескави и сјајни, но внимавајте да не претерате со нив за да не ја голтнат цела елка и да не добиете контра ефект.
И конечно на крај поставете го врвот.
---------------------------------------------------- 
