Инцидент на Денот на независноста во Подгорица: Прекинат концертот на Рики Мартин поради фрлен солзавец, полицијата трага по сторителот

АУДИО ВЕСТ:

Црногорската полиција го бара лицето кое синоќа фрли солзавец на концертот на латино ѕвездата Рики Мартин на централниот плоштад во Подгорица по повод Денот на независноста.

Солзавецот предизвика паника кај граѓаните, а концертот беше накратко прекинат, но набрзо продолжи.

„Синоќа, околу 23 часот, во близина на сцената беше активирана рачна канистра со солзавец, што предизвика кратка паника кај граѓаните. Концертот набрзо продолжи. Полицајци од одделот за криминалистичка полиција фотографираа и запленија дел од канистрата со солзавец што беше пронајдена во близина на сцената. Лицето кое ја фрли канистрата со солзавец ќе биде пронајдено наскоро“, изјави Милан Делиќ, раководител на ОКЦ, објавија медиумите во Подгорица.