Познати се сите учесници во финалето на 67. Евровизија во Ливерпул, што ќе се одржи утревечер.
Меѓу нив се и Србија, Хрватска и Словенија, единствените држави од бивша Југославија кои учествуваат оваа година. Од регионот, во финалето помина и Албанија, но не и Грција.
По Молдавија, Швајцарија, Финска, Чешка, Израел, Португалија, Шведска и Норвешка, во синоќешното второ полуфинале се радуваа и Кипар, Естонија, Белгија, Австрија, Литванија, Полска, Австралија и Ерменија. Загарантиран настап во финалето имаа актуелниот победник Украина, домаќинот Велика Британија, Франција, Италија, Германија и Шпанија.
Австралија, единствената рок група во финалето, ќе ја има последната шанса да триумфира бидејќи ѝ истекува договорот со Евровизија, за кој повторно ќе треба да преговара.
Меѓу големите фаворити во финалето е Швеѓанката Лорин, која има можност да стане само втор изведувач, по Ирецот Џони Логан, кој двапати победил на Евровизија.
---------------------------------------------------- 
