| Getting your Trinity Audio player ready... |
Бројни истражувања на светски научни институции потврдуваат дека овошјето како грозјето може значително да придонесе за здравјето на срцето. Тајната е во богатството на полифеноли, особено флавоноиди и ресвератрол, кои делуваат како силни антиоксиданси. Тие ги штитат крвните садови од оксидативен стрес и ја намалуваат оксидацијата на „лошиот“ LDL холестерол – ефект потврден во студија објавена во списанието The Journal of Nutrition.
Подобра функција на крвните садови
Истражувањата покажале дека консумирањето свежо грозје ја подобрува функцијата на ендотелот – внатрешниот слој на крвните садови. Тоа значи дека артериите подобро реагираат на зголемен проток на крв, што директно придонесува за подобра регулација на крвниот притисок и помал ризик од атеросклероза.
Помага и кај висок притисок
Преглед на девет клинички студии објавен на платформата Journee Mondiale укажува дека екстрактот од семки од грозје може да го намали систоличкиот притисок во просек за 1,5 mmHg. Слични резултати се забележани и во истражувањата на Американското здружение за срце, каде е потврдено дека грозјето ги намалува воспалителните процеси и создавањето на фиброзни промени во срцевото ткиво.
Колку грозје е доволно?
Иако нема унифицирана препорака, студиите што ги испитувале ефектите врз крвните садови користеле количини од околу 150–200 грама дневно – приближно една и пол шолја свежо грозје. Се смета дека токму оваа количина е оптимална за да се постигнат придобивките, а притоа да се избегне прекумерен внес на шеќери. За повеќето здрави возрасни, една порција грозје дневно може да биде едноставен и вкусен начин за поддршка на здравјето на срцето.
