Според УХМР, времето денес ќе биде променливо облачно со повремен локален слаб дожд, а на планините во западните и северните делови со слаб снег. Кон крајот на денот и во текот на ноќта поради значително заладување, во северните делови ќе има услови за провејување на снег и на повисоките места. Ќе дува умерен, а во западните делови повремено засилен ветер претежно од југозападен правец.
Во Скопје променливо облачно, кон крајот на денот со услови за слаб дожд. Ќе дува умерен југозападен, а кон крајот на денот северен ветер.
Утре ќе се задржи променливо облачно со сончеви периоди. Кон крајот на денот и во текот на ноќта во западните делови ќе има врнежи од дожд, а на планините и на повисоките места од снег. Ќе дува слаб до умерен ветер од северен правец.
Во Скопје, променливо облачно со сончеви периоди и со слаб до умерен северен ветер.
---------------------------------------------------- 
