Шон „Диди“ Комбс е под нови обвинувања, откако истрагата откри докази за уценување на сведоци и жртви во неговиот случај за сексуална злоупотреба. Федералните обвинители тврдат дека Диди користел затворски телефони за да врши притисок преку тринасочни повици, со цел да ги замолчи или принуди сведоците да сведочат во негова корист.
Обвинителството изјави дека е пронајден и доказ дека „Сведок-2“ добила паричен надомест по изјавата што ја дала. Адвокатите на Диди, пак, тврдат дека запленетите документи од затворот, вклучително и неговите белешки, се доверливи и заштитени како дел од односот адвокат-клиент.
Истражителите сметаат дека комуникациите што раперот ги вршел преку затворски услуги покажуваат обид за манипулација на случајот. Диди сè уште не даде јавен коментар, но неговиот тим тврди дека обвинувањата се дел од обидите за нарушување на правдата и неговата одбрана.
