Откако во медиумите се појавија информациите дека Јелена Карлеуша и Душко Тошиќ се разведуваат по 14 години брак секојдневно читаме најразлични информации поврзани со разводот и околу поделбата на имотот.
Без многу натегања доброволно бившиот пар се договорил дека целиот имот стекнат во брак ќе им припадне на нивните две ќерки.
Со оглед на тоа дека ќерките се уште се малолетни, Јелена ќе располага со имотот до нивното полнолетство. Бидејќи Карлеуша ќе го има старателството над децата, Душко ќе плаќа алиментација. Според српски курир, месечниот износ на алиментација ќе изнесува 5 илјади евра, а ќе се финансира и нивното образование.
За разлика од бројните други познати парови кои за време и по разводот имаа само лоши зборови еден за друг, Јелена и Душко минуваат низ тежок период на многу цивилизиран, пристоен и коректен начин. Една од причините најверојатно се нивните ќерки кои со родителска грижа сакаат да ги заштитат од дополнителен стрес и изложување во јавноста.