| Getting your Trinity Audio player ready... |
Холивуд е во шок откако американските медиуми објавија дека познатиот режисер и актер Роб Рајнер и неговата сопруга Мишел биле пронајдени мртви во нивниот дом во Лос Анџелес.
Како што пренесува CNN, повикувајќи се на извори од полицијата, службите за итна помош добиле повик во неделата попладне, а на лице место биле затекнати две безживотни тела – 78-годишен маж и 67-годишна жена.
🚨This is horrific. Rob Reiner and wife found dead in their home. Both stabbed.
I didn’t agree with him but no one deserves this. pic.twitter.com/FdVPsvmhwc
— Juanita Broaddrick (@atensnut) December 15, 2025
Семејството на Рајнер ја потврди трагичната вест преку кратко соопштение, во кое се наведува дека загубата е „ненадејна и болна“, со апел до јавноста да ја почитува нивната приватност во овие тешки моменти.
Иако официјалните детали засега се оскудни, познато е дека детективи од одделот за убиства на полицијата во Лос Анџелес се вклучени во истрагата. Надлежните институции сè уште не излегле со информации за причината за смртта.
Во меѓувреме, магазинот People објави дека, според нивни неименувани извори блиски до семејството, постојат сомнежи кои го вклучуваат синот на брачниот пар. Овие наводи не се потврдени од полицијата, а американските медиуми засега пристапуваат внимателно кон темата.Роб Рајнер е едно од најпрепознатливите имиња во Холивуд, зад кое стојат филмски класици како „Кога Хари ја запозна Сали“, „Неколку добри луѓе“, „Мизери“ и „Принцезата невеста“. Покрај режијата, тој имаше и бројни актерски улоги, вклучувајќи и понови појавувања во ТВ-серии.
View this post on Instagram
