| Getting your Trinity Audio player ready... |
Многу родители се прашуваат кога е вистинскиот момент нивното дете да почне да користи дезодоранс. Иако не постои точно одредена возраст, најчесто тоа се случува со почетокот на пубертетот, кога телото почнува да се менува и се појавува поизразен мирис на пот.
Зошто се појавува мирисот?
Иако децата се потат и пред пубертетот, непријатниот мирис обично се појавува кога хормоните почнуваат да се активираат. Тогаш бактериите на кожата го разградуваат потта и создаваат мирис.
Кај девојчињата пубертетот најчесто започнува меѓу 8 и 13 години, а кај момчињата меѓу 9 и 14 години, па токму во овој период најчесто се јавува потребата од користење дезодоранс.
Дали може и порано?
Во некои случаи, децата може да имаат поизразен мирис и пред пубертетот, па родителите понекогаш размислуваат за дезодоранс веќе на 8, 9 или 10 години.
Сепак, експертите нагласуваат дека првиот чекор секогаш треба да биде добра хигиена, а тоа вклучува:
- редовно туширање
- добро миење на пазувите и стапалата
- секојдневна промена на долна облека и чорапи
- носење облека од природни материјали
Ако и покрај тоа мирисот остане, тогаш може да се размисли за дезодоранс.
Каков дезодоранс е најдобар за деца?
Специјалистите најчесто препорачуваат поблаги или природни дезодоранси, со помалку хемикалии и без агресивни состојки.
Важно е да се знае и разликата:
- дезодоранс – го намалува непријатниот мирис
- антиперспирант – го намалува потењето, бидејќи ги затвора порите
Што треба да знаат родителите
Дезодорансот не треба да биде замена за хигиена. Тој треба да се нанесува само на чиста и сува кожа, најдобро после туширање.
