Иако по десет месеци најтажната принцеза се врати во Монако но за жал и понатаму е разделена од семејството и е на нова локација.
Принцезата Шарлин во моментов е на лекување во болница во Монако како што откри за медиумите принцот Алберт.
Исто така тој навел и дека одлуката да побара лекарска помош ја донеле неколку денови откако се вратила од Јужна Африка и тоа со помош на браќата од принцезата. Тој во интервју за „People“ објасни дека неговата сопруга, која делува слаба, признала дека ѝ е потребна помош. Не открил детали од нејзината болест, но ја отфрлил можноста дека станува збор за канцер или Ковид-19.
Исто така тој посочил и за нејзините проблеми со менталното здравје, велејќи дека била преоптоварена и не можела да се соочи со службената должност, со животот генерално, како и дека е исцрпена, како емоционално така и физички.
Принцот изјавил дека семејното собирање во Монако минатата седмица на почетокот поминало „прилично добро“ во првите неколку часа, но потоа станало очигледно дека Шарлин не е здрава.
Во меѓувреме открил дека нивните шестгодишни близнаци Габриела и Жак ја посетиле мајка им кога добиле одобрување од докторите. Тој додал дека и децата знаат дека нивната мајка е изморена.
Француските медиуми тврдат дека најтажната принцеза на светот отишла во Швајцарија каде постојат бројни специјалистички приватни медицински клиники.
Близнаците држеле транспаренти на кои пишувало:
„Мамо, ни недостасуваш“, во текот на прославата која била одржана вчера.
---------------------------------------------------- 
