Познатиот Ентони Бордејн изврши самоубиство во хотелска соба во Франција, а во неговиот тестамент стои дека целиот имот го остава на своето единствено дете, ќерката Аријана, која има 11 години.
„TMZ“ пренесува дека поранешната сопруга на Бордејн, со која и не се развел официјално е извршител на тестаментот, кој ја изненади јавноста, бидејќи се сметаше дека Ентони располага со многу поголемо богатство.
Според пишувањата на споменатиот портал, Ентони и оставил „само“ 1,2 милиони долари на својата ќерка, од кои речиси половина милион во кеш, додека остатокот од сумата е на сметка во банка или во вид на инвестиција.
Јавноста е изненадена, пред се поради тоа што се сметаше дека богатството на Бордејн изнесува најмалку 12 милиони долари.
„TMZ“ додава дека Бордејн оставил и долг за хипотека, кој изнесува милион долари.
---------------------------------------------------- 
