Горд сум што можам да кажам дека сум среќен хомосексуалец. Благословен сум таков каков што сум. Денеска си признав и ја прифатив својата хомосексуалност како дар што ми го подарил животот – изјави пред неколку години Рики Мартин и ги скрши срцата на милиони девојки на планетава.
Денес Рики е во среќна хомосексуална врска со својот избраник Жван Јосуф а неодамна го добија и своето четврто дете.
„Роден е нашиот син Рен Мартин-Јосеф“, напиша кратко пејачот со фотографија со сопругот и синот, а воодушевените обожаватели веднаш почнаа да му честитаат.
Синчето Рен се придружил на браќата близнаци, Матео и Валентин (11) и 10. месечната сестра Луција. Парот за доаѓањето на приновата се пофалил на социјалните мрежи.
На повеќе од 1,3 милиони луѓе им се допадна сликата за само неколку часа.