Додека беа во брак, Џенифер Анистон и Бред Пит во Холивуд важеа за прекрасен, хармоничен пар.
Но бракот се распадна откако Бред започна романса со фаталната Анџелина Џоли.
Анистон беше дел од актерската екипа во култната хумористична серија „Пријатели“ која и денес со задоволство ја гледаат многу генерации, а обожавателите на серијата ги изненади признанието на таткото на актерот Мет ЛеБланк.
– Мојот син за време на снимањето на „Пријатели“ беше во врска со Џенифер Анистон, изјавил Пол ЛеБланк, таткото на Мет за списанието „Star“.
– Се бакнувале во гардеробите. Тој ми рече дека тоа било кога таа била во брак со Бред Пит, раскажал Пол чиј син во време на наводната афера со Џенифер беше во брак со Мелиса МекНајт.
Џенифер тогаш експресно преку нејзиниот портпарол ја демантираше приказната.
– Тоа е лага. Џенифер никогаш не била во романтична или сексуална врска со Мет ЛеБланк, стои во соопштението кое таа го испратила до медиумите.
Со оглед на тоа што Мат и неговиот татко не комуницираат веќе со години, можно е постариот ЛеБланк целата оваа приказна да ја има измислено за да го привлече вниманието.