Речиси веднаш откако младенците го почнале својот прв танц, на свадба во Ирак избувнал пожар кој брзо се проширил низ салата и убил 100-тина луѓе. Имало и 150 повредени, вклучувајќи и деца, а властите претпоставуваат дека пожарот настанал поради огнометите кои биле на подот.
Свадбена прослава во Ирак заврши трагично откако избувнал пожар во кој загинале 100-тина луѓе, а 150 биеле повредени.
Според властите, и младоженецот и невестата се помеѓу загинатите.
На снимки од трагедијата кои беа прикажани на локалните телевизии во Ирак се гледа како младенците Ханин и Реван танцуваат, пред да почне пожарот.
Пожарот брзо почнал да се проширува, а гостите панично пробувале да избегаат од салата.
На прославата присуствувале 900 гости, а според преживеаните, чадот бил толку густ што голем дел останале заробени во салата и не можеле да го најдат излезот.
Над 100 луѓе загинале, а 150 биле повредени. Од повредените, дури 50 биле во критична состојба.
Дел од повредените се и деца кои имале сериозни изгореници по телото.
Iraq- At least 100 people have died and 150 others injured after a fire broke out at a wedding in northern Iraq🥲
Early reports say it broke out after fireworks were lit.-BBC #IraqWeddingFire #Pray #RIP 🙏pic.twitter.com/FR7IjelZji— Sri Lanka Tweet 🇱🇰 (@SriLankaTweet) September 27, 2023
„Ханин и Реван танцуваа бавно, кога огнот почна да се искачува кон таванот и целата сала беше во пламени. Не можевме да видиме ништо.
Се задушувавме, не знаевме како да излеземе“, изјавила 17-годишна гостинка на свадбата за локална телевизија.
За разлика од многумина, младата девојка поминала со полесни повреди, односно изгореница на раката.
Медиумите во Ирак споделија и морничави фотографии по трагедијата, откако бил изгасен огнот.
New video shows moment fire breaks out at wedding in Iraq, killing at least 114 people. Death toll expected to rise pic.twitter.com/IK0yEZDkEO
— BNO News (@BNONews) September 27, 2023
Целата сала е изгорена и се гледаат само расфрлани метални делови од столовите и срушениот таван.
Наводно, салата се срушила многу брзо бидејќи била направена од евтини и лесно запаливи материјали. Внатре имало и декорации кои придонеле за проширувањето на огнот.
Засега не е позната точната причина за настанувањето на пожарот, но експертите се сомневале дека „виновни“ се огнометите кои биле поставени на подот и прво ги запалиле лустерите.