| Getting your Trinity Audio player ready... |
Во кинескиот град Чонгкинг постои нешто што изгледа како сцена од научнофантастичен филм — воз кој минува директно низ станбена зграда!
Сместен во планинскиот регион на југозападот на Кина, Чонгкинг е познат по својата необична архитектура и урбанистички лавиринт. Поради ограничениот простор за градба, градот е изграден „во висина“, што резултирало со уникатни решенија како ова.
Најпозната е железничката станица Лизиба, единствена во светот по тоа што се наоѓа помеѓу шестиот и осмиот кат на станбен небодер со 19 ката. Патниците влегуваат и излегуваат од возовите додека жителите живеат само неколку метри под и над шините!
Иако звучи неверојатно, станарите речиси и не слушаат бучава – благодарение на напредната звучна изолација. Проектот бил внимателно планиран уште при изградбата на зградата, па шините не се додадени подоцна, како што често се мисли.
Денес, станицата Лизиба е омилена туристичка атракција во Чонгкинг. Посетителите доаѓаат не само за да се возат со метрото, туку и да ја посетат изложбената сала и продавницата за сувенири што се наоѓаат во самиот комплекс.
Чонгкинг, со своите 32 милиони жители, е вистински град-лавиринт во кој дури и локалците понекогаш се губат — но токму тоа е дел од неговиот шарм.
