Home INFO Балканските ѕвезди се простуваат со Горан Стефановски

Балканските ѕвезди се простуваат со Горан Стефановски

SHARE

Македонскиот драматург и сценарист Горан Стефановски почина завчера во Лондон на 66 години.

Многу негови пријатели и соработници од целиот регион се простија со уметникот преку социјалните мрежи.

Помеѓу најемотивните пораки беше и онаа која ја остави познатиот српски глумец, режисер и продуцент Светозар Цветковиќ:

– Нашата младост, нашиот свет на умот, нашиот театар и љубов во него, нашето Диво месо, Тетовирани души, нашиот Одисеј, нашиот постар брат на Влатко, нашиот Горан С… Си отиде.

Сергеј Трифуновиќ на својот Твитер профил напиша:

– „Хи Фи“, „Диво месо“, „Лет во Место“, Црна Дупка“… многу не инспирираше и одигра голема улога во моето формирање на сцената. Голем драматург.

Босанско – херцеговинскиот филмски и драмски режисер Дино Мустафиќ беше еден од многуте со кои соработуваше покојниот Стефановски.

– Драмите на Горан се мои балкански кров под кои се радост и гнев, инает и нежност, лудило и страст, хумор и солзи. Ќе ми недостасуваш многу драг мој пријателу, затоа што многу ветивме дека ќе направиме заедно!

Стефановски е автор на повеќе од 30 драми, меѓу кои се „Диво месо“, „Лет во место“, „Дупло дно“, „Тетовирани души“.

Освен за театар, пишуваше и телевизиски и филмски сценарија.

Неговите дела се преведени на повеќе јазика, објавени во повеќе земји.

РЕКЛАМИ:
Loading...