Home INFO Додека му го оперирале мозокот, тој свирел на гитара

Додека му го оперирале мозокот, тој свирел на гитара

реклама:Велигден со Стаф

Сите операции се сериозни, но операциите на мозокот се особено деликатни. Меѓу другото, станува збор и за способноста на пациентот да зборува и да се движи. Затоа, во многу случаи лицето се држи будно за лекарите најдобро да ги проценат овие способности.

За Кристијан Нолен, работите отидоа чекор понатаму. Знаејќи дека е талентиран гитарист, неговите лекари побарале да свири на неговиот инструмент додека врз него се извршувала операција.

По десет дена откако му бил откриен туморот на мозокот, Нолен бил опериран во Центарот за рак „Силвестер“ на Медицинскиот факултет „Милер“ при Универзитетот во Мајами.

Музичарот бил успиен на почетокот на операцијата и намерно разбуден на половина од операцијата.

– Нашиот план беше да биде буден и да свири на гитара додека го вадиме туморот. Го испитувавме за да бидеме сигурни дека не го повредивме делот што го контролира движењето на рацете, а тестирањето на движењето на рацете беше свирењето на гитарата – објаснува неврохирургот Рикардо Комотар.

Нолен имал слушнато за ваква постапка само од филмови и емисии. Лекарите разговарале со него за постапката пред операцијата, подготвувајќи го за она што следува. Но, кога се разбудил, Нолен се изненадил.

– По будењето бев многу изненаден од сето она што беше околу мене. Се борев со природната реакција да останам мирен – вели тој.

За среќа, откако му била дадена гитара, Нолен бил подготвен да го одработи својот дел.

– Кога привршувавме со отстранувањето на туморот, забележавме дека функцијата на неговата рака почна да опаѓа. Туморот беше поврзан со делот од мозокот кој го контролираше движењето на рацете. За среќа, успеавме да го отстраниме целиот тумор и да не му ја повредиме раката – вели д-р Комотар.

Ваквата „будна операција“ има и други придобивки за пациентите.

– Се покажа дека овој вид операција ги подобрува резултатите, во смисла на пониски стапки на компликации. Исто така, пациентите остануваат во болница пократок временски период и им треба помалку инвазивен постоперативен мониторинг бидејќи кога одат на интензивна нега, тие се будни и можеме да комуницираме со нив – објаснува д-р Арман Дагал, шеф на невроанестезиологија и постоперативни науки.

РЕКЛАМИ: Твојата дигитална картичка! ----------------------------------------------------