Некогашниот прв човек на Формула 1 – Берни Еклстон деновиве е потресен поради непријатноста која и се случи на наговата ќерка Тамара.
Таа била опљачкана, а непознати крадци од нејзиниот дом успеале да изнесат накит вреден околу 60 милиони долари.
Во моментот на кражбата, Тамара, нејзиниот сопруг и ќерката не биле во домот, а нејзиниот татко смета дека целата акција е организирана од некој од “внатре”.
Според Берни, грабежот бил премногу добро организиран за да го изведат провалници кои не знаат како да се снајдат во куќа со дури 57 простории.
Вилата на Тамара вредна 80 милиони евра имала сигурносни камери, чувари а се наоѓа во елитен дел во Лондон каде се сместени амбасадите на поголем број земји, па околината има 24/7 вооружена полициска патрола.
Ги немам сите податоци поврзани со истрагата, но ако земам во предвид какво обезбедување има Тамара, морам да претпоставам дека ова го смислил некој од внатре. Ужасно е ова што се случи, но драго ми е само што во тоа време семејството ми беше пат, изјавил Берни.