Кога станува збор за месото во исхраната, најновото истражување покажало дека потрошувачите се изложени на најголем ризик од зарази и болести доколку конзумираат пилешко и мелено јунешко.
Според листа на месни производи според ризикот од добивање тешки болести при конзумирање, најопасно месо на листата е пилешкото и производите од него, како што се печено, мелено и пилешко на жар.
Во периодот меѓу 1988 и 2010 година пилешкото е поврзано со 452 епидемии на заразни болести и 6.896 случаи на зараза, само во САД.
Меленото јунешко месо се наоѓа на второ место, а се поврзува со 336 епидемии и 3.801 случај на зарази во истот период во САД.
Меѓу високоризичните меса на листата се наоѓа и мисиркиното.
Свинското и печеното јунешко го заземале местото на средно ризични меса, додека шунката и колбасите се нискоризични месни групи, кои се поврзуваат со 34 до 57 епидемии во овој период.