Home ШОУ БИЗз Extra Exclusive Меган роди машко, соопшти принцот Хари

Меган роди машко, соопшти принцот Хари

SHARE

Војвотката од Сасекс роди момче, објави војводата од Сасекс.

Среќниот Хари рече дека се „апсолутно возбудени“ и ѝ се заблагодари на јавноста за поддршката.

Тој рече дека Меган и бебето се „исклучително добро“ и додаде дека сѐ уште размислуваат за името на новороденчето.

Бакингамската палата соопшти дека бебето тежи 3,2 килограми и дека војводата бил присутен на раѓањето.

„Кралицата, војводата од Единбург, принцот од Велс, војвотката од Корнвол, војводата и војвотката од Кембриџ, леди Џејн Фелоес, леди Сара Мекоркодејл и ерлот Спенсер се информирани и се воодушевени од веста“, се вели во соопштението.

„Мајката на војвотката, Дориа Рагленд, која е пресреќна поради доаѓањето на нејзиниот прв внук, е со нивните кралски височества во Фрогмор котиџ“.

Врамено известување за раѓањето е поставено на екран на церемонијалниот триножник во дворот на Бакингемската палата.

РЕКЛАМИ: ---