Home INFO Netlix ја најави втората сезона на реалното шоу Squid Game

Netlix ја најави втората сезона на реалното шоу Squid Game

реклама:Лето во Банско

На крајот на ноември на Netflix излезе првата сезона од долгоочекуваното реално шоу Squid Game: The Challenge, базирано на корејската серија Squid Game, која постигна глобален успех.

Иако многумина со нетрпение го чекаа шоуто, на бројни гледачи не им се допадна, па реалното шоу наиде на многу критики. Има оцена 5,3 од 10 на IMDb.

Гледачите го критикуваат Netflix

Но, и покрај критиките, Netflix одлучи да го обнови шоуто за втора сезона. Пред објавувањето на последната епизода од шоуто, Netflix објави на социјалните мрежи дека доаѓа нова сезона и ги покани луѓето да се пријават доколку сакаат да учествуваат. Може да аплицираат луѓе од целиот свет.

„Внимание играчи, дали сте подготвени за следниот натпревар? Squid Game: The Challenge се враќа за втора сезона. Пријавете се“, напишаа тие. Под објавата имаше многу коментари.

„А да одобрите нова сезона на Shadow and Bone?“, „Никој не го побара ова“, „Не можам да верувам дека на оваа и давате нова сезона, а ја откажавте Shadow and Bone. Средете се“, „Што е со оригиналната Squid Game?“, „Ја чекаме втората сезона од серијата, а не на реланото шоу“, се дел од коментарите.

Награда од 4,56 милиони долари

Потсетуваме дека во првата сезона на реалното шоу 456 натпреварувачи се бореа за награда од 4,56 милиони долари. Идејата на ова шоу беше да се трансформира хит серијата во реалност, во која вистинските натпреварувачи се борат за парична награда.

Спенсер Хокингс, кој се натпреваруваше како број 299, привлече внимание во втората епизода од серијата, а по емитувањето на шоуто се огласи и на социјалните мрежи.

Многу гледачи коментираа колку Спенсер беше смешен за време на играта Dalgona Cookie, а тој одговори дека од нив се бара „да се преправаат дека се натпреваруваат“.

„Само една четвртина од собата се натпреваруваше во тој момент. Од другите беше побарано да се преправаат дека се натпреваруваат и само да мрдаат со прстите како да прават колаче. Направив лоша работа што се преправав дека правам колаче и ги гледав другите како се натпреваруваат. Тоа се случува во оваа сцена“, рече тој за клипот, кој беше широко споделен на TikTok. Спенсер на крајот го избриша тоа видео.

РЕКЛАМИ: Твојата дигитална картичка! ----------------------------------------------------